Во израелските напади врз Газа бројот на убиените Палестинци е зголемен на 119

КУДС

Во израелските напади врз Појасот Газа загинаа уште 10 Палестинци, со што бројот на загинатите Палестинци во нападите на Израел се зголеми на 119, пренесува Агенција Анадолија (АА).

Израелската војска и во текот на празникот Рамазан бајрам продолжува да го напаѓа Појасот Газа.

Според писменото соопштение на палестинското Министерство за здравство во Газа, во нападите на Израел загинале уште 10 лица.

Со ова, бројот на загинати од 10 мај досега во Газа порасна на 119 лица.

Се истакнува дека меѓу загинатите се наоѓаат 31 дете и 19 жени, додека бројот на повредени се искачи на 830.