Владата во Газа: „Во болницата Ал Шифа со смрт се соочуваат 7.000 лица“

ГАЗА (АА) - Владата во Појасот Газа синоќа соопшти дека повеќе од 7.000 раселени лица, пациенти и медицински персонал во болницата Ал Шифа се соочуваат со смрт поради недостиг на вода и храна во комплексот на болницата окупиран од страна на израелската војска, јавува Анадолу.

Владината канцеларија за медиуми информира дека во болницата Ал Шифа нема вода, храна и млеко за децата.

„Нема ниту вода ниту храна во болницата Ал Шифа, во која се сместени 650 пациенти и околу 7.000 раселени лица“, се наведува во соопштението од Газа.

Израелската војска ги онеспособи возилата во комплексот на болницата Ал Шифа и го спречи излегувањето на медицинскиот персонал и пациентите.

„Ситуацијата во болницата Ал Шифа е многу опасна. Повикуваме на итна интервенција за да се спасат луѓето во болницата“, се наведува во соопштението.