Венецуела со апел до САД за отворање нова страница во односите

КАРАКАС

Претседателот на Венецуела, Николас Мадуро, истакна дека сакаат да отворат нова страница со администрацијата на американскиот претседател Џо Бајден врз основа на заемна почит и дијалог, јавува Агенција Анадолија (АА).

Мадуро по долгогодишните тензии помеѓу неговата влада и администрацијата на поранешниот претседател на САД, Доналд Трамп, истакна дека посакуваат двата народа да определат нов пат врз основа на заемна почит, дијалог, комуникација и разбирање.

Од друга страна, Мадуро рече дека Владата треба да се фокусира на укинување на блокадата, подобрување на економијата и воспоставување голем национален дијалог.

Инаку, откако Бајден победи на претседателските избори, Мадуро истакна дека Владата на Венецуела е подготвена за дијалог со американската Влада и американскиот народ.

Потоа, на медиумите беа објавени вести дека исто и Бајден е подготвен повторно да започнат преговори со Венецуела.