Британскиот премиер му соопшти на Парламентот дека презема дипломатски напори за прекин на огнот во Газа

БИРМИНГЕМ (АА) - На својата прва сесија на прашања во британскиот Парламент денес британскиот премиер Кир Стармер им рече на пратениците дека неговата новоизбрана Влада веќе почнала да ги презема неопходните чекори за реализирање итен прекин на огнот во Газа, јавува Анадолу.

Пратеникот Мухамад Јасин, од Лабуристичката партија рече дека е задоволен од повикот на Стармер за итен прекин на огнот и продолжување на финансирањето на Агенцијата на Обединетите нации за палестински бегалци (УНРВА).

„Но сè уште секој ден умираат премногу невини луѓе. Во Газа никаде не е безбедно. Според тоа, каков дополнителен притисок може да изврши премиерот за да се постигне итен прекин на огнот?“, праша Јасин.

Стармер рече дека тој и министерот за надворешни работи Дејвид Лами до израелскиот премиер Бенјамин Нетанјаху ја истакнале итната потреба за прекин на огнот.

„Сакаме пат до дводржавно решение. Сигурен и безбеден Израел паралелно со суверена палестинска држава. И го користам моето прво патување во странство како премиер, особено во НАТО, за да го истакнам ова пред светските лидери на чело со лабуристичката Влада.“

Британскиот премиер рече дека за прашањето за прекин на огнот ќе се „дискутира, преговара и ќе се бори на највисоко ниво“ на светската сцена.

„Алтернатива е стоење на уличните ќошиња и протестирајќи, и на крајот само едно од нив ќе донесе промени.“