Предлог-законот за смртна казна за палестинските затвореници усвоен во првото гласање во израелскиот Парламент

ЕРУСАЛИМ (АА) - Предлог-законот со кој ќе се воведе смртна казна за палестинските затвореници е усвоен уште при првото гласање во израелскиот Парламент, известува Анадолу.

Според израелската државна телевизија КАН, за гласање на споменатиот предлог-закон во Парламентот била организирана седница.

На гласањето, од 120 пратеници, 39 гласале „за“, а 16 „против“.

По гласањето, крајно десничарскиот министер за национална безбедност, Итамар Бен-Гвир, на платформата на социјалните медиуми на американската компанија X, објави:

„Оцма Јехудит (Еврејската партија на моќ предводена од Бен-Гвир) е на пат да направи историја. Ветивме и исполнивме. Законот за смртна казна за терористите беше усвоен при првото гласање“.

Бен-Гвир претходно постојано повикуваше на усвојување на закон со кој ќе се дозволи егзекуција на палестински затвореници.

Комитетот за национална безбедност на израелскиот Парламент го одобри законот минатата недела, отворајќи го патот за негово гласање во Парламентот.

За да стане закон, предлог-законот треба да биде прифатен на три гласања во Парламентот.