Белгија ги предводи напорите за запирање на трговијата меѓу ЕУ и Израел

БРИСЕЛ (АА) - Белгискиот премиер Александар Де Кро изјави дека се обидува да ги убеди земјите членки на Европската Унија (ЕУ) да ја запрат трговијата од палестинските територии кои се под израелска окупација, пренесува Анадолу.

Де Кро за државното радио „ВРТ“ изјави дека презел иницијатива во рамките на ЕУ за воведување забрана за увоз на земјоделски производи како што се урмите и маслиновото масло од окупираните палестински територии.

Истакна дека санкциите кои би ги вовела само Белгија „нема да имаат голем ефект“, додавајќи дека се обидува да ги убеди другите земји од ЕУ да прогласат трговски санкции против Израел.

„Постојат низа држави кои се отворени за причините што ги изнесуваме, тоа се земји кои беа во иста позиција како и ние пред неколку месеци. Сега се обидуваме да излеземе подалеку од оваа група земји истомисленици. Мислам дека има смисла да се обидеме да ги убедиме другите земји за ова прашање“, рече Де Кро.