Бела куќа: Кери и Путин ќе разговараат за потребата од намалување на тензиите помеѓу Москва и Анкара

ВАШИНГТОН (АА) - Американскиот државен секретар Џон Кери ќе разговара за потребите за намалување на тензиите помеѓу Москва и Анкара за време на состанокот во вторник со рускиот претседател Владимир Путин, соопшти Белата куќа, пренесува Anadolu Agency (AA).

"Тоа ќе биде една од темите за која Кери ќе разговара со Путин кога ќе се состанат во Москва. Ќе разговараат за потребата Русите да ги намалат тензиите со Турција" , изјави гласноговорникот на Белата кужа Џош Ернест.

Додаде дека е најважно последните денови да нема додатно зголемување на тензиите помеѓу двете страни.

"Мислам дека може да се каже дека двете страни треба да го направат својот дел од работата во тој поглед. Сепак, мислам дека е значајно што немаше никаква ескалација неколку недели наназад откако се случи тоа.Тоа е трошка оптимизам во врска со оваа ситуација" , рече Ернест.