Бајден ќе стави вето на законот кој предвидува брза испорака на оружје за Израел

ВАШИНГТОН (АА) - Белата куќа соопшти дека претседателот на Соединетите Американски Држави (САД), Џо Бајден, ќе стави вето на предлог-законот кој предвидува брза испорака на оружје за Израел доколку Конгресот го усвои, јавува Анадолу.

Белата куќа објави соопштение за одлуката на претседателот Бајден во врска со предлог-законот за поддршка на безбедноста на Израел, што Републиканската партија го достави до Претставничкиот дом минатиот викенд.

Се истакнува дека ставот на администрацијата кон Израел намерно е сменет и се напоменува дека претседателот Бајден ќе стави вето на законот доколку биде усвоен од Конгресот.

Се нагласува дека законот би можел негативно да влијае врз способноста на американскиот претседател да води ефикасна надворешна политика и се додава:

„Овој предлог-закон може да предизвика сериозна загриженост поради кршењето на овластувањата на претседателот според 2. член на Уставот, вклучувајќи го и неговото овластување да биде командант и да ги води надворешните односи.“

Се нагласува дека САД се исклучително одлучни во поддршката на Израел.