Американската војска објави дека во Ирак го убила командантот на шиитската група Катаиб Хезболах

ЊУЈОРК (АА) - Американската војска соопшти дека во Ирак како одговор на нападите врз нејзините војници во регионот го убиле командантот на шиитската група Катаиб Хезболах, пренесува Анадолу.

Во соопштението на американската Централна команда (ЦЕНТКОМ) се вели дека американските сили извршиле напад во Ирак околу 21:30 часот како одговор на претходните напади врз американските војници.

Според извештаите, во нападот бил убиен командантот на групата Катаиб Хезболах, кој бил директно одговорен за планирање и учество во нападите врз американските сили во регионот.

Во соопштението се додава дека во нападот немало цивилни жртви или загуби и дека Соединетите Американски Држави (САД) ќе продолжат да преземаат чекори за заштита на своите војници во регионот.

Хашд ал-Шааби, шиитските сили во Ирак, објавија дека еден од нивните команданти, Абу Бакр ал-Саади, бил убиен во воздушен напад во Багдад.

Групата поддржана од Иран, позната како Катаиб Хезболах, претставува една единица на силите Хашд ал-Шааби, која е покровителна структура.