Gözde Bayar
07 Јуни 2024•Ажурирај: 09 Јуни 2024
ПАЛЕРМО (АА) – Фоторепортерот на Агенција Анадолу, Али Џадала, ја освои наградата за фотографија на годината на Асоцијацијата на медитерански новински агенции (АМАН) за фотографија направена во Газа во октомври минатата година, јавува Анадолу.
Новинските агенции, членки на Алијансата на медитерански новински агенции (АМАН), се собраа на 32. Генерално собрание во палатата Орлеанс во Палермо, чиј домаќин беше италијанската новинска агенција АНСА.
Џадала ја освои главната награда со фотографија направена на 23 октомври 2023 година во Газа, седумнаесеттиот ден од почетокот на израелските брутални напади, во кои досега се убиени повеќе од 36.000 Палестинци.
На Генералното собрание на АМАН присуствуваше и претседателот на Управниот одбор и генерален директор на Анадолу, Сердар Караѓоз, кој ја прими наградата во името на Џадала.
Караѓоз му се заблагодари на Генералното собрание на АМАН, соопштувајќи дека поканиле некои од новинарите од Газа, но Џадала сакал да остане.
„Кога го прашавме Али уште колку дена сака да остане, тој рече: 'Засекогаш. Нема да ја напуштам Газа. Ова е моја должност’. Која е неговата должност? Тој собира докази. За што се доказите? Докази за воените злосторства во Газа“, истакна Караѓоз.
Во разговор со новинарот на Анадолу, Караѓоз рече дека АМАН е една од најважните светски асоцијации на новински агенции.
„Нашиот фоторепортер на Анадолу, Али Џадала, ја освои наградата за најдобра фотографија. Тој не можеше да присуствува на состанокот бидејќи продолжи да работи во Газа. Како генерален директор ја прифатив наградата во негово име и ќе му ја предадам на семејството на Али“, изјави Караѓоз.
