Алекс, првата бура од сезоната на урагани во Атлантикот, се упати кон Бермудите

АНКАРА (АА) - Алекс, првата тропска бура во сезоната на урагани во Соединетите Американски Држави (САД) од Атлантикот, се упати кон регионот на Бермудите, пренесува Агенција Анадолија (АА).

Во соопштението на американскиот Национален центар за урагани (NHC) се наведува дека ураганот синоќа се движел кон Бермудите со брзина од 110 километри на час.

Се нагласува дека тропската бура денеска се очекува да ја покаже својата сила во регионот на Бермудите.

На островите има предупредување за „невреме“. Експертите истакнаа дека се очекуваат врнежи од дожд од 25 до 50 милиметри.

Мајкл Викс, министерот за внатрешни работи на Бермудите, рече дека екипите за итни случаи го набљудуваат невремето.

Бурата Алекс, која предизвика обилни врнежи од дожд, поплави и прекин на електричната енергија на Флорида, го покажа своето влијание и во Куба.