Азербејџан: Пресретнат ерменски квадрокоптер над воените позиции во Карабах

ИСТАНБУЛ (АА) - Азербејџан соопшти дека денес бил пресретнат ерменски коптер со четири ротори над азербејџанските воени позиции во регионот на Карабах, пренесува Анадолу.

„На 7 август околу 13:30 часот квадрокоптер DJI Mavic 3, на Ерменските вооружени сили, се обиде да прелета над позициите на азербејџанската војска лоцирани во областа Басаркечар“, се вели во соопштението на азербејџанското Министерство за одбрана.

Во соопштението се наведува дека квадрокоптерот бил детектиран и соборен од азербејџански единици во областа користејќи „специјални технички средства“.

Односите меѓу двете поранешни советски републики се тензични од 1991 година, кога ерменската војска го окупира Нагорно Карабах, територија меѓународно признаена како дел од Азербејџан, и седум соседни региони.

Во есента 2020 година, Азербејџан ослободи неколку градови, села и населби од ерменската окупација во текот на 44-дневните судири. Војната заврши со мировен договор со посредство на Русија.

И покрај тековните разговори за долгорочен мировен договор, тензиите меѓу соседните земји пораснаа во последните месеци околу коридорот Лачин, единствената копнена рута што ѝ дава пристап на Ерменија до Карабах.