Fatih Hafız Mehmet
11 Април 2018•Ажурирај: 13 Април 2018
БАКУ (AA) – Илхам Алиев, актуелниот претседател на Азербејџан, според резултатите на излезните анкети по денешните избори освои нов мандат, пренесува Anadolu Agency (AA).
Независниот истражувачки центар ЕЛС, кој ја спроведе излезната анкета на примерок од 80.000 гласачи на 300 гласачки кутии, соопшти дека Алиев доби 82,7 отсто од гласовите.
И други истражувања кои ги спроведоа „OpinionWay" од Франција, „Arthur J. Finkelstein" и „Associates" од Соединетите Американски Држави, говорат дека Алиев освоил преку 85 отсто од гласовите.
На референдумот за уставните промени, кој во Азербејџан е одржан на 26 септември 2016 година, претседателскиот мандат е зголемен од пет на седум години.
