Азербејџан: Ердоган присуствуваше на церемонијата за отпочнување со изградба на патната делница во Фузули

ФУЗУЛИ (АА) - Претседателот на Турција, Реџеп Таип Ердоган, присуствуваше на церемонијата за поставување на темелот на патната делница во градот Фузули, кој азербејџанските сили го ослободија од ерменската окупација, јавува Агенција Анадолија (АА).

Ердоган во текот на посетата на Азербејџан го посети и Меѓународниот аеродром „Фузули“, а на турскиот претседател и неговиот азербејџански колега Илхам Алијев им беа врачени симболични клучеви од аеродромот.

Двајцата лидери по посетата на аеродромот присуствуваа на церемонијата за положување на камен-темелник на патната делница Ахметбејли - Фузули - Шуша и Ахметбејли - Хорадиз - Минџиван - Агбенд.

Претседателите на двете земји беа информирани за работата на терен, а по притиснувањето на копчето беше официјализиран почетокот на изградбата.