Азербејџан екстрадира двајца ерменски државјани пред почетокот на трилатералната средба со Ерменија и Русија

БАКУ (АА) - Пред почетокот на трилатералната средба со Ерменија и Русија, Државниот комитет на Азербејџан за заробени, исчезнати и заложници соопшти дека двајца затвореници со ерменско потекло се екстрадирани во Ерменија, пренесува Агенција Анадолија (АА).

Во соопштението на Комитетот се наведува дека едно од екстрадираните лица е војникот приведен во судирите на границата како резултат на провокациите на Ерменија што се случија на 16 ноември.

Се истакнува дека војникот бил фатен ранет и дека му е укажана лекарска помош.

Исто така, се додава дека другото лице кое е екстрадирано е цивилен државјанин кој го загубил патот во правец на провинцијата Агдам и бил фатен додека влегувал во регионот каде што се наоѓале војниците на Азербејџан.

Рускиот претседател Владимир Путин, азербејџанскиот претседател Илхам Алиев и ерменскиот премиер Никол Пашинјан денеска ќе се сретнат во Сочи.