СКОПЈЕ (АА) – Вулканот Килауеа на Хаваи еруптираше, исфрлајќи лава на висина од околу 120 метри, соопшти Американскиот геолошки институт (USGS), јавува Анадолу.

Ерупцијата во кратерот Халемаумау започна во раните утрински часови вчера и продолжи со стабилна активност во текот на целиот ден.

Според Американскиот геолошки институт, слабите север-североисточни ветрови насочиле најголем дел од пепелта и вулканските гасови кон југ-југозапад, со што се ограничени директните влијанија врз пошироката област околу врвот.

Килауеа се смета за најмлад и најактивен вулкан на големиот остров на Хаваи.

Тој еруптира речиси непрекинато од 1983 година и останува еден од најинтензивно следените вулкански системи во светот.