ИСТАНБУЛ (АА) – Агенцијата на Обединетите нации за помош и работа за палестинските бегалци (УНРВА) вчера соопшти дека гладните цивили во Појасот Газа се изложени на интензивни израелски напади додека се обидуваат да стигнат до храна во центрите за дистрибуција на хуманитарна помош, известува Анадолу.

УНРВА објави соопштение во кое цитира сведоштва на преживеаните од нападите врз центарот во Рафа, формиран под маската на хуманитарни цели од таканаречената Хуманитарна фондација Газа, со поддршка на САД и Израел.

Се истакнува дека животите на гладните Палестинци се ставени во опасност на местата за дистрибуција на помош, при што многу од нив на крајот се враќаат дома „со празни раце“.

Се нагласува итната потреба од повторно воспоставување безбеден систем за дистрибуција на помош на луѓето од Газа, потенцирајќи дека таквата дистрибуција мора да се спроведува исклучиво преку агенциите на ОН, вклучително и УНРВА.

Од 27 мај, израелската војска извршува напади врз дистрибутивни зони кои под изговор за дистрибуција на хуманитарна помош ги воспостави Хуманитарната фондација Газа, со поддршка на Израел и САД.

Израелските сили пукаат врз цивилите кои доаѓаат на местата за дистрибуција на помош, формирани во рамките на „безбедносните зони“ што ги воспостави Израел.

Според Канцеларијата за медиуми во Газа, помеѓу 27 мај и 6 јуни, израелските сили извршиле напади врз центрите за дистрибуција на помош, убивајќи 110 Палестинци и ранувајќи 583.

Девет Палестинци сè уште се водат за исчезнати.