„САД се главна страна во продолжувањето на војната во Газа“, обвини Иран

ИСТАНБУЛ (АА)

Иранскиот министер за надворешни работи Хусеин Емир Абдулахијан ги обвини Соединетите Американски Држави (САД) за неуспехот да се постигне прекин на огнот во Газа, пренесува Анадолу.

Во објавата на својот профил на социјалните мрежи по повод Светскиот ден на Кудс (Ерусалим), Абдулахијан ги коментираше нападите на Израел врз Газа што траат од 7 октомври.

„САД станаа главна страна на продолжувањето на војната во Газа, а не за нејзино завршување“, рече Абдулахијан.

Нагласувајќи дека злосторствата на Израел врз Палестинците се јасно кршење на човековите права, Абдулахијан ги обвини меѓународните заедници, особено Обединетите нации, дека не се активни во запирање на геноцидот во Газа.