„Палестина секогаш ќе им припаѓа на Палестинците“

ИСТАНБУЛ (АА) - Светски познатата палестинско-американска манекенка Бела Хадид во својата објава на Инстаграм истакна дека „Палестина секогаш ќе им припаѓа на Палестинците“, известува Анадолу.

Манекенката Хадид, позната по силната поддршка за Палестина, на својот профил на Инстаграм објави парче лубеница насликана во форма на симбол на палестинскиот отпор на која е напишано „Палестина им припаѓа на Палестинците“.

Нагласувајќи дека Палестина отсекогаш им припаѓала на Палестинците, Хадид во објавата вели: „Отсекогаш било вака и засекогаш ќе биде вака.“

Истакнувајќи дека корените на палестинската култура, лоза и историја не можат да бидат откорнати од која било сила, пари или личност, Хадид во објавата наведе:

„Длабочината на фактот за правото што го поседува палестинскиот народ секогаш ќе живее и ние тоа никогаш нема да го заборавиме.“

Изјавувајќи дека Палестинците погодени од нападите врз Појасот Газа и Западниот Брег треба да ги имаат основните човекови права, Хадид го даде следниов коментар:

„Тие ја заслужуваат слободата да доаѓаат и да си одат како што сакаат. Тие заслужуваат да останат поврзани со територијата на која стотици години живееле нивните предци, сакале и ги изградиле своите семејства и заедници. Тие не треба да живеат во страв, понижување или под окупација.“