„Одолговлекувањето на Израел во преговорите за прекин на огнот во Газа го тестира трпението на Вашингтон“

ЕРУСАЛИМ (АА) - Американските медиуми објавија дека посредниците од САД, Египет и Катар биле вознемирени од одолговлекувањето од страна на Израел во преговорите за враќање на договорот за прекин на огнот и размената на затвореници во Газа, истакнувајќи дека недостатокот на јасни цели на Израел го тестира трпението на администрацијата на Вашингтон, известува Анадолу.

Според американскиот канал Си-Ен-Ен, процесот забавил откако израелскиот премиер Бенјамин Нетанјаху за водач на преговорите го овластил министерот за стратешки прашања Рон Дермер, човек близок до него.

Американски извор кој даде проценка за моменталната ситуација изјави дека недостатокот на јасна цел на Израел го тестира трпението на администрацијата на Вашингтон.

Овој извор, кој ги застапува семејствата на израелските затвореници во Газа, изјави дека политичките ставови на израелскиот тим предводен од Дермер немале позитивно влијание врз преговорите и дека роднините на затворениците го обвинуваат Дермер за непостигнување на договор.

Во веста се истакнува дека иако постои чувство на итност кај посредниците на САД, Египет и Катар за постигнување договор, Дермер по неговото назначување имал помалку средби со египетските и катарските посредници кои директно преговарале со Хамас, и дека тоа предизвикало вознемиреност.

Тајмс оф Израел, објавив вест во која наведе дека Катар е вознемирен од темпото на напредок на разговорите откако Дермер добил овластување да преговара.

Од кабинетот на израелскиот премиер тврдат дека се невистинити информациите дека преговорите се успорени по назначувањето на Дермер.

Во соопштението што го објави израелскиот кабинет се тврди дека Дермер работи дење и ноќе за да се постигне договор и дека предметната вест е штетна за семејствата на заробениците.