„Израелскиот војник избега од Бразил поради истрагата за воените злосторства во Газа“, објавија медиумите

ЕРУСАЛИМ (АА) - Израелски војник, кој беше обвинет за воени злосторства за време на војната во Газа, избега од Бразил каде властите беа под притисок да спроведат истрага, објавија денес локалните медиуми, пренесува Анадолу.

„Истрагата произлезе од жалбата поднесена од Фондацијата Хинд Раџаб (ХРФ), белгиска организација која се залага за правда за палестинските жртви“, објави израелскиот јавен сервис КАН.

Канал 12 објави дека обвинението вклучува повеќе од 500 страници докази, вклучувајќи видеа, геолокација и разузнавачки податоци, кои го поврзуваат војникот со уништувањето во Појасот Газа.

ХРФ повика на итно приведување на војникот за да се спречи неговото бегство или уништување на доказите.

И покрај судската наредба, резервистот, според КАН, успеал да го напушти Бразил и наводно е на пат за Израел.

Деталите за тоа како го избегнал приведувањето во Бразил не се објавени.

Бегството уследи по серија слични инциденти кои вклучуваат израелски војници во странство. Канал 12 објави дека минатиот месец, палестинска група во Шри Ланка повикала на приведување на активен израелски војник, поради што израелските власти итно да го евакуираат.

Палестинските власти објавија дека повеќе од 45.700 луѓе се убиени, а над 108.800 се ранети во Појасот Газа од почетокот на израелската геноцидна војна во октомври 2023 година.

Израел е обвинет за геноцид пред Меѓународниот суд на правдата поради војната во Појасот Газа.