Бројот на жртви во бродоломот на Филипини се искачи на 62

ИСТАНБУЛ (АА) – Бројот на жртви во потонатиот патнички брод на Филипини се искачи на 62 откако беа пронајдени уште четири тела за време на тековните операции за пребарување, соопшти Филипинската крајбрежна стража, пренесува Анадолу.

„Со последните пронајдени жртви, вкупниот број на жртви се зголеми на 62, со 293 преживеани, а 17 лица сè уште се водат како исчезнати“, соопшти крајбрежната стража во соопштението објавено на американската платформа за социјални медиуми Фејсбук доцна синоќа.

„М/В Триша Керстин 3“ беше на пат кон островот Џоло во покраината Сулу кога потона во водите кај островот Балук-Балук во покраината Басилан.

Според надлежните, бродот пратил сигнал за помош околу 1:50 часот наутро на 25 јануари, околу четири часа по поаѓањето од пристаништето Замбоанга во Минданао.

Филипини, архипелаг од повеќе од 7.000 острови, имаат долга историја на смртоносни несреќи со фериботи, за кои честопати се обвинуваат пренатрупаноста и слабото спроведување на прописите за поморска безбедност.