ИСТАНБУЛ (АА) - Состанокот на работната група Турција - САД за Сирија ќе се одржи утре во Вашингтон, соопштија турски дипломатски извори, јавува Анадолу.

Се очекува состанокот, кој ќе се одржи во меѓуинституционален формат, а со него ќе претседаваат заменик-министерот за надворешни работи на Турција, Нух Јилмаз, и заменик-државниот секретар на САД, Кристофер Ландау, да се фокусира на политиките на двете земји кон Сирија и на него да се разговара за можностите за соработка во воспоставувањето безбедност и стабилност во Сирија, додадоа изворите.

Се очекува борбата против ДЕАШ и другите терористички организации да биде на врвот на агендата на состанокот, на кој ќе се дискутира и за поддршката на Анкара за сириската Влада и регионалните напори предводени од Турција за борба против терористичката организација.

Страните ќе разговараат за можностите за соработка во камповите во североисточна Сирија, а се очекува американската страна да даде информации за тековната консолидација на американските воени единици во Сирија.

Средбата следува по минатонеделниот директен ангажман меѓу САД и Сирија на лидерско ниво, како и по најавата на американскиот претседател Трамп дека санкциите против Сирија ќе бидат укинати.

Во овој контекст, се очекува на состанокот да се разгледа и процесот и временската рамка што треба да се следи во врска со укинување на американските санкции врз Сирија, велат изворите.

За време на состанокот, се очекува Нух Јилмаз да го истакне акцентот на Анкара на мултидимензионалната координација со Вашингтон во политичките, економските и безбедносните прашања со цел да се осигури безбедност и стабилност во Сирија, а воедно да се зачува територијалниот интегритет и единство на земјата.

Се очекува Јилмаз да го сподели очекувањето на Турција дека историскиот процес низ кој минува Сирија во моментов на крајот ќе резултира со елиминирање на сите терористички елементи од земјата.