Ердоган во телефонски разговор со Мелони ја нагласи потребата од итна акција за обнова на Сирија

АНКАРА (АА) - Претседателот на Туркије, Реџеп Таип Ердоган, оствари телефонски разговор со премиерката на Италија, Џорџа Мелони, известува Анадолу.

Дирекцијата за комуникации на турското Претседателството објави дека на средбата се разговарало за билатералните односи меѓу Туркије и Италија, како и за регионални и глобални прашања.

Претседателот Ердоган на средбата истакнал дека Туркије и Италија минатата година постигнале билатерален трговски обем од 32 милијарди долари, дека оваа бројка може да се зголеми со развивање на трговските и инвестициските односи и дека Туркије има разбирање за зголемување на соработката со Италија во многу области, особено на полето на одбранбената индустрија и енергетиката.

Во текот на средбата со Мелони претседателот Ердоган истакнал дека е важно без одлагање да се преземат активности за обнова на Сирија и изразил уверување дека укинувањето на санкциите кон Сирија, во што Италија би била предводник, би било од корист за овој процес.