Kristina Maslareviç
17 Мај 2016•Ажурирај: 18 Мај 2016
БЕЛГРАД (АА) - На Меѓународната конференција "Србија и Албанија - кон европската иднина" беше претставено истражувањето на Европското движење во Србија и Фондацијата Фридрих Еберт, кое покажа дека билатералната соработка и меѓусебното разбирање меѓу двете земји е од стратешко значење за регионалната стабилност и европската интеграција на Западен Балкан, јавува Anadlu Agency (AA).
Претседателката на Форумот за меѓународни односи на Европското движење во Србија, Јелица Миниќ, наведе дека проблемите што се јавуваат кај граѓаните кога станува збор за односите меѓу двете земји потекнуваат нивото на свесност на едни за други, што е многу ниско, но дека "граѓаните на двете земји мислат дека унапредувањето на односите е многу важно, како за секоја земја, така и за регионот во целина".
"И тоа не само за да им се допаднеме на земјите од Европската Унија, Германија и САД, туку затоа што тоа е од суштинско значење за двата народа", рече Миниќ, додаде дека граѓаните сметаат дека е неопходно да се подобри економската соработка, туризмот и културната размена меѓу Србија и Албанија.
Алберт Ракипи, извршен директор на албанскиот Институт за меѓународни студии во Тирана изјави дека и покрај несогласувањата за одредени ставови, постојат и одреден број на прашања за кои се поклопуваат ставовите на двете општества како и тоа дека двете општества испратија порака за поддршка на зајакнување на односите меѓу двете земји.
"И покрај поделбата во врска со важни прашања, поврзани со различните ставови во минатото, пораката е јасна и во ова истражување, а тоа е дека е крајно време двете општества да почнат да размислуваат за тоа како да ги зајакнат билатералните односи", рече Ракипи.
Напоменувајќи дека за прв пат албански компании покажале интерес за српскиот пазар, Ракипи рече дека забележано е дека во последно време има сè 'поголема размена во однос на комуникацијата помеѓу младите луѓе, претставници на медиумите, културна размена а во Тирана е забележан и голем број на српски туристи.
"Ова не се некои големи достигнувања, но во секој случај претставуваат чекор напред и ќе придонесат нештата да се променат и во билатералните односи меѓу Албанија и Србија", додаде Ракипи.
Како што наведе директорот на Фондацијата „Фридрих Еберт”, Хајнц Алберт Хутмаер, целта на конференцијата е да ги негува и да пружи поддршка и подобрување на односите меѓу Албанија и Србија и да се воспостават можности за развој на модалитети и механизми што ќе доведат до подобрување на односите меѓу двете земји.
Меѓународната конференција во организација на Европското движење во Србија и Фондацијата „Фридрих Еберт”, а се очекува конференцијата да придонесе за подобрување на односите фокусирајќи се на четири клучни теми: отворените прашања меѓу Србија и Албанија, улогата на граѓанското општество во промовирање на заеднички српско-албански проекти, улогата на медиумите во создавањето меѓусебна перцепција и младинска соработка меѓу Србија и Албанија.
