Започна 2. Истанбулски самит за образование, на кој Агенција Анадолија е глобален комуникациски партнер

ИСТАНБУЛ (АА) - Вчера започна 2. Самит на образование во Истанбул во организација на турската Фондација „Маариф“ (TMV), на кој ќе се состанат министрите за образование од 7 земји и светски експерти на полето на образованието на тема „Иднината на училиштата, потребите на образованието по пандемијата“, на кој Агенција Анадолија (AA) е глобален комуникациски партнер.

На самитот, кој ќе трае два дена во конгресниот и културен центар „Багларбаши“, ќе се разговара за можностите поврзани со образованието, ќе се прават анализи и ќе се разговара за теоретските пристапи и апликации со идни перспективи.

Самитот, кој годинава се одржува по втор пат, ќе биде точка на средба на институции и личности кои се истакнуваат со нивните меѓународни активности и студии на полето на образованието.

Самитот, на кој АА е глобален комуникациски партнер, има за цел да биде меѓународна платформа која нуди решенија и на која ќе се пренесуваат случувањата во светот на полето на образованието под светлината на различните искуства на земјите.

- На Самитот ќе зборуваат министрите за образование на Канада, Киргистан, Узбекистан, Мали, Камерун, Замбија и Малави

На Самитот, на кој ќе се оценуваат случувањата на полето на образованието по епидемијата на Ковид-19, се планира да се разговара за иднината на образованието на сесиите насловени „Иднината на училиштето: Потребите на образованието по пандемијата“, „Враќање во училиштата“, „Иднината на генерацијата Ковид“, „Диференцирано образование“ и „Потрага по алтернативи во образованието“.

На првиот ден од Самитот, на сесијата на високо ниво насловена „Иднината на училиштето: Потребите на образованието по пандемијата“, се очекува да се обратат камерунската министерка за средно образование, Полин Налова Лионга, министерката за финансиско образование, Сидибе Усмани Дедеу, министерот за образование на Замбија, Даглас Сјакалима, министерот за образование и наука на Република Киргистан, Мамбетакунов Уланбек Есенбекович, министерот за јавно образование на Република Узбекистан, Бакстијор Саидов Одилович, министерот за образование на канадската провинција Онтарио, Стивен Лече, и министерот за образование на Република Малави, Агнес Нјалоње.

На самитот, академици и експерти од институции како Организацијата за економска соработка и развој (ОЕЦД), Организацијата за образование, наука и култура на ОН (УНЕСКО), Универзитетот Харвард, Универзитетот во Индијана и Универзитетот Кембриџ, деловни луѓе кои спроведуваат глобални операции во областа на образованието, менаџери на светски познати образовни институции и експерти за наставни програми ќе разговараат за иднината на образованието и новите трендови и трансформации во образованието.

Самитот, на кој ќе се вршат симултани преводи на сесиите на турски, француски и арапски јазик, се пренесува во живо на веб-страницата „https://www.istanbuleducationsummit.com“.

Претседателот Реџеп Таип Ердоган испрати видеопорака на отворањето, а Самитот продолжи со воведните говори.

Првиот Истанбулски самит за образование се одржа онлајн минатата година на тема „Нови трендови и трансформација во образованието“.