Кина постави платформа за тестирање на мозочната активност на својата вселенска станица

АНКАРА (АА) - Кина постави платформа за тестирање на мозочната активност во својата вселенска станица, објавија денес државните медиуми, пренесува Анадолу.

„Го спроведовме првиот ЕЕГ (електроенцефалограм) експеримент за време на мисијата со екипаж Шенжу-11, кој ја потврди применливоста во орбитата на технологијата за интеракција мозок-компјутер преку роботи контролирани од мозокот“, истакна Ванг Бо, истражувач во кинескиот Центар за истражување и обука на астронаути, објави државната Кинеска глобална телевизиска мрежа (CGTN).

Интеракцијата мозок-компјутер е „ветувачка технологија“ за идна примена во вселената, истакна Ванг.

Тој рече: „Технологијата служи да се конвертира мисловната активност на луѓето во инструкции, што е многу корисно за мултитаскинг или далечински операции.“