Diyar Güldoğan
15 Октомври 2016•Ажурирај: 16 Октомври 2016
АНКАРА (АА) - Стабилноста може да стане трајна доколку Турција го прифати претседателскиот систем, изјави турскиот премиерот Бинали Јилдирим денес во Истанбул, јавува Anadolu Agency (AA).
„Стабилноста во Турција е потребно да се одржува. Стабилноста ќе продолжи. Турција ќе продолжи да се развива. Како? Преку претседателскиот систем”, изјави Јилдирим на церемонијата одржана во Истанбул по повод рушење на земјиште за изградба на нови згради за Истанбулскиот меѓународен финансиски центар, Банкарската регулатива и Агенциите за супервизија и Комисијата за пазар на капитал.
„Ние (владејачката Партија за правда и развој (АК) велиме дека претседателскиот систем е потребен за Турција”, додаде тој.
Премиерот Јилдирим истакна дека претседателскиот систем е потребен за одржување трајна стабилност, континуиран развој, силна влада, национална еднаквост и братство.
Јилдирим ги повика другите политички партии да помогнат во изготвувањето на новиот Устав.
„Доколку предлагате друг модел покрај претседателскиот (систем), да го прашаме народот за двете (опции)”, изјави Јилдирим, предлагајќи референдум.
Уставните промени, особено претседателскиот систем, се наоѓа на политичката агенда откако претседателот Реџеп Таип Ердоган, поранешниот премиер и водач на АК Партијата, беше избран за претседател на Турција, во август 2014 година.
На предлогот за претседателскиот систем се противат и три други турски парламентарни партии, а АК Партијата нема доволното мнозинство во Парламентот за да ја направи промената без организирање референдум.
Јилдирим изјави дека политичките партии - АК Партијата, главната опозициска Републиканска народна партија (ЏХП) и Партијата за национално движење (МХП) - му ветиле на народот.
„Што говоревме ние? Во секоја изборна кампања велевме дека ќе изготвиме нов Устав и ќе ја направиме стабилноста во Турција трајна”, додаде Јилдирим.
