Турскиот министер Сојлу: „Во 2018 неутрализирани 100 високи терористи“

АНКАРА (АА) - Турските безбедносни сили во 2018 година неутрализираа 100 високи терористи, изјави денес турскиот министер за внатрешни работи, Сулејман Сојлу, јавува Anadolu Agency (AA).

„Оваа година изведовме 87.838 операции против ПКК, при кои неутрализиравме 1.289 терористи“, истакна Сојлу во Парламентот.

Тој додаде дека во текот на последните две години ги зголемиле операциите за борба против тероризмот во руралните подрачја за 173 отсто.

Во својата над 30-годишна терористичка кампања против Турција, ПКК, која се наоѓа на листата терористички организации на Турција, САД и ЕУ, одговорна е за смртта на речиси 40.000 луѓе, меѓу кои и жени и деца.