Нова атракција на снег: Сноубординг со помош на коњи

КАРС (АА) - Новата атракција на снег во Карс, источна Турција, е бордањето со помош на коњи, јавува Anadolu Agency (АА).

Овој тип на сноубординг е нешто слично како скијањето на вода. На едната страна од јажето е бордерот а од другата коњот и јавачот.

Двајца сноубордери Угур Доганај (33) и Озгур Гокчан (31) веќе долго време се занимаваат со сноубординг, а викендов се одлучија да пробаат нешто ново.

Доганај и Гокчан како што велат, за прв пат бордаат на рамна површина. На овој начин бордањето не е ни малку лесно.

„Денес сакавме да пробаме нешто ново. Прв пат се обидовме да бордаме со коњ и навистина уживавме”, рече Доганај кој додаде дека борда повеќе од десет години, а скија од дете.

Двајцата бордери веруваат дека овој вид на сноубординг ќе продолжи да се практикува и дека ќе биде добро прифатен од страна на јавноста.

Гокчан нагласи дека е можно да се организираат разни натпревари во сноубординг со помош на коњи.