Индија тестираше балистичка ракета Агни-IV со дострел од 4.000 км

ГУВАХАТИ (AA) - Индија тестираше балистичка ракета Агни-IV со дострел од 4.000 километри, јавува Anadolu Agency (AA).

Како што јавува индискиот национален јавен радиодифузер „Алл Индиа радио“, Агни-IV може да носи боеви глави со вкупна тежина до илјада килограми.

Ракетата ја разви Одделот за истражување и развој на одбраната (DRD), а пробно е лансирана од островот Абдул Калам на брегот Одиша во 11:50 часот по локално време.

Станува збор за ракета опремена со компјутер од петтата генерација, најточен систем за навигација РИНС и микронавигацискки систем МИНГС.

Се верува дека јужноазиските земји ги тестираат ракетите од среден и далечински дострел со цел заплашување на регионалните ривали.