ЕУ ги прошири санкциите кон Русија

БРИСЕЛ (АП) - Европската Унија (ЕУ) ги продолжи шестмесечните санкции против руските субјекти и проруските сепаратисти во Украина, поради заканата за територијалниот интегритет, суверенитетот и независноста на Украина, јавува Anadolu Agency (AA).

Европската комисија соопшти дека санкциите против руските субјекти и проруските сепаратисти се продолжени до 15 март следната година.

На листатата на санкции на ЕУ се наоѓаат вкупно 38 правни и 149 физички лица, а надлежната комисија утврди дека не постојат оправдани причини за прекинување на санкциите во форма на замрзнување на средствата и забрана за влез во земјите на Унијата.

Паралелно на тоа, ЕУ воведе санкции против голем број руски субјекти поради незаконската анексија на Крим и на Севастопол.