ДИК: Рокот за пријавување спорни гласачи истекува на 19 август

СКОПЈЕ (АА) - Држаната изборна комисија информира дека спорните гласачи во Избирачкиот список имаат рок до 19 август за да се пријавата во оваа институција, пренесува Anadolu Agency (AA).

Имињата на спорните гласачи беа објавени на 26-ти јули и тие имаа рок од 25 дена да се запишат на списокот на гласачи, а пријавувањето се врши електронски преку специјална апликација на веб страницата на ДИК или лично во подрачните единици на ДИК и во кацелариите на Управата за водење матични книги.

Според информациите од Државната изборна комисија, објавени беа имињата на 39.502 гласачи кои се сметаа за спорни во Избирачкиот список, а заклучно со вчера се пријавиле вкупно 5.022 граѓани. Од нив 2.236 се пријавиле во подрачните одделенија и канцеларии и дополнителните канцеларии на ДИК, додека 2.786 за пријавување ја искористиле веб апликацијата на интернет страницата на Комисијата.

Податоците на ДИК велат дека најмногу пријавени граѓани има во Чаир - 907, во Сарај - 571, во Тетово - 501 и во Куманово - 453. Намалку пријавени има во Пласница, Василево и Градско - по 2, а до ДИК не се пријавил ниту еден граѓанин од повеќе општини, меѓу кои и Неготино, Пехчево, Зелениково, Кривогаштани, Демир Капија.

Пријавувањето се врши секој ден во периодот од 8:30 до 19 часот. По истек на овој рок, ДИК има на располагање 10 дена за да направи дополнителни контроли или лично да контактира со спорните гласачи.

Ако не се пријават во предвидениот рок спорните гласачи нема да бидат запишани во Избирачкиот список, но ќе добијат можност тоа да го направат за време на јавниот увид на списокот пред парламентарните избори.