Во американскиот Сенат постигнат договор за привремен буџет

ВАШИНГТОН (АА) - Американскиот Сенат со мнозинство гласови го поддржа нацрт-законот за привремениот буџет, со што е овозможена работата на американската администрација, јавува Anadolu Agency (AA).

За споменатиот предлог, според кој американската администрација треба да излезе од блокадата, гласаа 81 сенатор, додека 18 беа против.

Сенаторите Демократи се сложија за поддршка на планот за привремено финансирање на администрацијата до 8 февруари, со цел да заврши тридневната блокада поради која не работеа одредени федерални служби.

Демократите, сепак, се сложија на деблокада по дводневните преговори, кои завршија со нови уверувања на лидерите на републиканското мнозинство во Сенатот дека ќе бидат разгледани предлозите за имиграцијата.

Претставничкиот дом на Конгресот претходно го прифати предлогот за буџетот.