Бран апсења во Саудиска Арабија: Mеѓу уапсените и принцот Алвалид бин Талал

РИЈАД (АА) - Заедно со многу принцови и министри во Саудиска Арабија приведен е и милијардерот Алвалид бин Талал и Мутаиб бин Абдула, министерот надлежен за Националната гарда, јавува Anadolu Agency (AA).

Саудиските медиуми објавија дека 11 принцови и 38 функционери се уапсени поради обвиненија за корупција.

Се наведува дека меѓу уапсените се наоѓаат двајца синови на кралот Абдула бин Абдулазиз, министерот за национална гарда принцот Бин Абдула и поранешниот емир на Ријад, принцот Турки бин Абдула.

Бранот апсења следуваше по декретот на саудискиот крал Селман бин Абдулазиз, за ревизија на кабинетот.

По извршената ревизија во саудискиот кабинет, формирана е Комисија за борба против корупцијата.

Меѓу уапсените се наоѓаат министерот за економија и планирање Адел бин Мохамед Факих, командантот на Поморските сили, Абдула бин Султан бин Мухамед, како и многу други високи функционери.