Şenhan Bolelli
18 Октомври 2021•Ажурирај: 19 Октомври 2021
МАДРИД
Откако писателката Кармен Мола ја освои книжевната награда „Planeta“ во Шпанија, откриено е дека таква личност всушност не постои, и дека тројца машки писатели го користеле овој псевдоним, пренесува Агенција Анадолија (АА).
На церемонијата на доделувањето на наградата „Планета“, која се одржа во Шпанија ноќта на 15 октомври и за која беше наградена Кармен Мола, на сцената наместо Мола, која беше поканета да ја прими наградата, излегоа тројца мажи, писателите Антонио Мерсеро, Хорхе Диаз и Агустин Мартинез.
Идентитетот на Кармен Мола, која постигна висока продажба со своите книги „La novia gitana“, „La red purpura“ и „La Nena en Alfaguara“, отсекогаш била сокриена.
Шпанските медиуми напишаа дека издавачката куќа често информирала дека Мола е учителка во средно училиште во Мадрид и дека не сака да се истакнува.
Одговарајќи на контроверзноста откако беше откриена вистината на церемонијата на доделувањето на наградата, тројцата шпански писатели нагласија: „Никогаш не сме се криеле зад жена како тројца мажи. Криевме само едно име.“
Феминистичка книжарница во Мадрид по овој настан соопшти дека донеле одлука да ги отстрани книгите на Кармен Мола од полиците.
Сѐ уште не е познато дали името Кармен Мола ќе продолжи да фигурира во шпанската литература да по овој настан.
