Kemal Zorlak
07 Март 2021•Ажурирај: 08 Март 2021
САРАЕВО
Познатиот српски филмски и театарски актер Борис Комнениќ почина на 64 години по тешка болест, јавуваат српските медиуми, пренесува Агенција Анадолија (АА).
Роден е во 1957 година во Пула. Гимназијата ја завршил во Белград, а глума студирал на Факултетот за драмски уметности. Член на Народниот театар во Белград станал во 1984 година.
Покрај театарските, оствари и бројни филмски улоги и улоги во серии. Некои од најзначајните се во телевизиските серии „Сивиот дом“, „Подобар живот“ (Бољи живот) и „Синѓелиќи“, и во филмовите „Тајванска канаста“, „Денови од сништата“ , „Сплав на медузите“.
Регионалната публика ќе го памети по улогата на Александар Саша Попадиќ во серијата „Подобар живот“(Бољи живот).
