Zehra Melek Çat
07 Декември 2023•Ажурирај: 10 Декември 2023
КОЊА (АА) - Со зборовите „Одбележувањето на 750-годишнината од смртта на Мевлана Џелаледин Руми нуди можност повторно да се сетиме и повторно да се објасни Мевлана, чии учења го спасија светот од тоа да биде мрачен универзум под влијание на војни, конфликти и спорови и донесе светлина и мир на денешниот ден“, турскиот заменик-министер за култура и туризам, Батухан Мумџу, го означи почетокот на меѓународната манифестација по повод комеморативните церемонии на 750-годишнината од смртта на Мевлана, муслиманскиот научник и мистик, јавува Анадолу.
Мумџу одржа прес-конференција во Коња, Туркије, каде што објави дека тема на годинашните церемонии е „Време на повторна средба“ (Vuslat Vakti).
„Време е на Земјата да се изгради неговиот свет што е полн со љубов и да се споделува до пошироката публика“, нагласи турскиот заменик-министер.
„Седумсто и педесетгодишнината од Вуслат (повторна средба) дава можност повторно да се одбележи и да се објасни хазрети Мевлана, чии учења го спасија светот од мрачен универзум под влијание на војни, конфликти и спорови и донесе светлина и мир на денешниот ден“, додаде тој.
Според него, Мевлана е мислител што не му припаѓа само на еден географски регион туку е универзален мислител што придонесува за духовното богатство на целиот свет.
Тој рече дека како Министерство организирале многу активности за одбележување на Мевлана, додека во една од нив учествувале 750 изведувачи на ритуалот „Сема“ во чест на 750-годишнината од смртта на научникот.
Мумџу нагласи дека се развиваат многу проекти за промовирање на ритуалот „Сема“ низ светот, потсетувајќи дека во 2005 година ритуалот е прогласен за едно од ремек-делата на усното и културното наследство на човештвото од страна на УНЕСКО.
Во меѓувреме, потпретседателот на Меѓународната фондација Мевлана, Есин Челеби Бајру, рече дека по повод 750-годишнината од смртта на Мевлана реализирале различни активности.
Таа, која е внука на 22. генерација на Мевлана, потсети дека турскиот претседател Реџеп Таип Ердоган ја прогласи 2023 година за „Година на Мевлана“.
„Откажавме некои активности поради земјотресот што нѐ растажи сите. Беше тешка година за турскиот народ. Но по некое време ги залекувавме раните и почнавме да правиме одредени програми, мислејќи дека ни е потребно духовното“, рече таа.
На прес-конференцијата учествуваа и други претставници.
Во меѓувреме, меѓународните церемонии за комеморација на 750-годишнината од смртта на Мевлана започнаа со маршот „Време за обединување“ што се одржа од турбето Шемси-и Табризи до музејот Мевлана во градот Коња.
