İsa Toprak,Eda Özdener
07 Јануари 2022•Ажурирај: 10 Јануари 2022
АНКАРА
Музеите во Турција минатата година привлекоа повеќе од 16 милиони посетители, што е за 82 отсто повеќе во споредба со 2020 година, велат официјални претставници, пренесува Агенција Анадолија (АА).
Турција има вкупно 428 музеи, од кои 219 се во приватна сопственост и над 3,6 милиони изложени предмети, вклучувајќи археолошки, етнографски и многу други.
Домашни и странски експерти спроведоа вкупно 665 ископувања и истражувања на површината, при што беа откриени над 5.200 артефакти кои беа додадени во музејските инвентари.
Покрај нив, во Турција се вратени 3.480 парчиња кои биле шверцувани во странство.
Мерките за спречување на ширењето на коронавирусот доведоа до значителен пад во бројот на посетителите, кој опадна под 9 милиони, кога музеите беа затворени во 2020 година. Тие повторно се отворија минатата година, при што оваа бројка достигна 16,25 милиони.
Музејот „Троја“ во западната област Чанаккале ја доби престижната специјална награда на Европскиот музејски форум во 2020 година, кога ја доби и специјалната награда за благодарност за Европски музеј на годината, со што тоа стана и првиот турски музеј што ги добил и двете награди.
Ѓокан Јазги, генералниот директор за културни добра и музеи, ја одбележа 2019 година како најдобра година за турските музеи бидејќи привлекоа повеќе од 35 милиони посетители, пред ненадејната ерупција на пандемијата да доведе до значителен пад.
Новооткриените историски артефакти, како и оние пронајдени кои биле шверцувани во странство, придонеле за потребата од повеќе музеи, според генералниот директор, кој рече дека ова довело до зголемување од 52 отсто на бројот на музеи во изминатата деценија.
