МУГЛА (АА) – Муралистот Аксел Менгу со своите уметнички дела внесува боја и нов живот во трансформаторски станици, ѕидови на згради и карпи во туристичката област Фетхије, во турската покраина Мугла, јавува Анадолу.

Користејќи сопствени средства и материјали, Менгу ги претвора секојдневните и често занемарени урбани површини во впечатливи мурали, кои го привлекуваат вниманието на локалното население и туристите.

Проектите на Менгу се реализираат на различни локации низ Фетхије, каде што уметноста станува дел од јавниот простор и придонесува за подобрување на визуелниот изглед на градот.

Муралите се со живи бои поради што носат позитивна енергија и создаваат поубава и попривлечна средина.

Делата на Аксел Менгу сè почесто стануваат и атрактивна заднина на многу фотографии на посетителите.