Адел освои пет Греми награди, Боуви постхумно награден

ЛОС АНЏЕЛЕС (АА) - Американската академија за дискографска уметност и наука по 59. пат ги додели наградите „Греми“ за најдобри музичари во текот на минатата година, пренесува Anadolu Agency (AA).

Церемонијата на доделување на овие престижни музички награди беше одржана во Стејплс центарот во Лос Анџелес, а домаќини беа Маргарет Чо и Џејмс Корден.

Победничка на вечерта е британската пејачка Адел, која славеше во сите пет категории во кои беше номинирана. Нејзиниот албум „25” е прогласен за најдобар албум на годината.

Адел освои награди и за најдобра песна, најдобра снимка, најдобра поп-изведба и за најдобар поп-албум.

Вечерта со својот настап ја одбележа и Бијонсе, на која ова ѝ беше прво појавување во јавноста откако дозна дека е бремена. Бијонсе беше номинирана во девет категории, но освои само една награда, и тоа за албумот „Лемонејд“, во категоријата за најдобар урбан современ албум.

На церемонијата настапуваа и Адел, Деми Ловато, Џон Леџенд, Бруно Марс, Алиша Кис, Кети Пери и „Д викенд“.

Дејвид Боуви кој почина на 10. јануари минатата година, постхумно освои четири „Греми“ награди, и тоа за најдобра рок-песна, најдобра рок-изведба и за најдобар алтернативен албум.

Список на добитници во најзначајните категории на 59. доделување на музичките награди „Греми“:

Албум на годината - Адел „25“

Песна на годината - Адел „Хело“ (Hello)

Најдобар поп-вокал албум - Адел „25“

Најдобра соло изведба - Адел „Хело“ (Hello)

Најдобра рок-изведба - Дејвид Боуви „Блекстар“ (Blackstar)

Најдобар алтернативен албум - Дејвид Боуви „Блекстар“ (Blackstar)

Најдобра рок-песна - Дејвид Боуви „Блекстар“ (Blackstar)

Најдобар нов изведувач - Ченс д рејпер (Chance the Rapper)

Најдобра поп-изведба - Твенти уан пајлотс, „Стрест аут“ (Twenty One Pilots, „ Stressed Out”)

Најдобар традиционален албум на поп-вокал - Вили Нелсон

Најдобар денс албум - Ченјсмокерс феат. Даја „Донт лет ми даун“ (The Chainsmokers ft. Daya „Don't Let Me Down”)

Најдобар денс/електроник албум - Флум „Скин“ (Flume „ Skin”)

Најдобар инструментален албум - „Снерки папи“, „Чулча валча“ ("Snarky Puppy, "Culca Vulcha")

Најдобар метал-албум - Мегадед „Дистопиа“ („Dystopia”)

Најдобар рок-албум - Кејџ д елефант „Тел ми ај ем прити“ (Cage the Elephant „ Tell Me I'm Pretty”)

Најдобра рап-изведба – Ченс д рејпер, „Но проблем“ (Chance the Rapper „No Problem”)

Најдобра рап-песна и изведба - Дрејк, „Хот блинг“ (Hot Bling)

Најдобар рап-албум - Ченс д рејпер, „Колоринг бук“ (Chance the Rapper, „Coloring Book“)