Турција, Коронавирус

Турција: Во последните 24 часа од Ковид-19 починаа 37 лица, а детектирани се 1.610 заразени

Последните 24 часа во Турција се детектирани 1.610 лица заразени со Ковид-19, а во истиот период починаа 37 лица. Вкупниот број на заразени достигна 10.827, а досега животот го загубија 168 лица

Ferdi Türkten  | 30.03.2020 - Обновена : 31.03.2020
Турција: Во последните 24 часа од Ковид-19 починаа 37 лица, а детектирани се 1.610 заразени

АНКАРА

Министерството за здравство на Република Турција соопшти дека бројот на заразени со коронавирус во таа земја се зголемил на 10.827, а досега се излекувани 162 заболени лица, јавува Агенција Анадолија (АА).

Ресорниот турски министер Фахретин Коџа на социјалната мрежа Твитер го објави дневниот преглед на епидемиолошката слика во таа земја.

Во прегледот се наведува дека во изминатите 24 часа на коронавирус се тестирани 11.535 лица од кои 1.610 лица биле позитивни на тестот. Вкупниот број на заразени во Турција е зголемен на 10.827.

Во изминатите 24 часа од последиците на заразување со коронавирус во Турција починаа 37 заболени, со што вкупниот биланс на мртви во таа земја е зголемен на 168.

Од Министерството соопштија дека се излекувани 162 заболени во Турција.

Во Турција на коронавирус досега се тестирани вкупно 76.981 лица.

Меѓу заразените 725 пациенти се згрижени на одделот за интензивна нега.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
Поврзани теми
Bu haberi paylaşın