АНКАРА
Од аеродромот во Анкара полета воен карго авион со медицинска опрема која Турција ја испраќа како помош за Шпанија и Италија, земји кои се најмногу погодени ид пандемијата на Ковид-19, јавува Агенција Анадолија (АА).
Турција во знак на помош во борбата против Ковид-19 им подаде рака на Шпанија и Италија, кои во моментов се земји што се најмногу погодени од пандемијата на новиот тип коронавирус и во исто време се епицентар на оваа пандемија во Европа.
Министерството за одбрана на Турција во воениот карго авион на воениот аеродром „Етимесгут“ во Анкара натовари илјадници парчиња медицинска опрема, како што се заштитни маски и облека, антибактериски гелови и течности произведени во воените фабрики, работилници за шиење и во институциите за машинска и хемиска индустрија на Турција.
На испратените пакети на шпански и италијански испишани се зборовите на поетот, правник и теолог Мевљана „По безнадежноста има многу надежи. По темнината има многу сонца“ и „На шпанскиот народ со љубов од Турција“, „На италијанскиот народ со љубов од Турција“.
Авионот со помошта од Турција прво ќе слета во Шпанија, а потоа ќе се упати кон Италија.
