Северна Македонија: Од Ковид-19 починаа осум лица, регистрирани 144 нови случаи

СКОПЈЕ

Во Република Северна Македонија во последните 24 часа се регистрирани 144 нови случаи на заразување со Ковид-19, со што вкупната бројка на случаи со овој вирус во земјата се искачи на 16.417, пренесува Агенција Анадолија (АА).

Министерството за здравство соопшти дека во последното деноноќие животот го загубија 8 лица, претходно заразени со Ковид-19, со што бројката на смртните случаи предизвикани од овој вирус во земјата се искачи на 683.

Институтот за јавно здравје на информира дека се регистрирани 97 оздравени пациенти, со што бројката на оздравени пациенти изнесува 13.732.

Во моментов бројот на активни случаи во земјата изнесува 2.002.

Досега во земјата се направени вкупно 172.700 тестирања на Ковид -19, од кои 1.545 во последните 24 часа.