Од Ковид-19 во светот излекувани повеќе од 700.000 лица

АНКАРА

Билансот на лица излекувани од Ковид-19 во светот ја надмина бројката од 700.000, јавува Агенција Анадолија (АА).

Според податоците на интернет страницата „Worldometer“, во светот од Ковид-19 се излекувани вкупно 701.070 заразени лица.

Германија е во предност во светот со вкупно 99.400 излекувани лица, а следува Шпанија со 85.915 излекувани.

Во САД од Ковид-19 се излекувани 82.973 лица, а следуваат Кина со 77.151, Иран со 60.965, Италија со 51.600 и Франција со 39.181 излекувано лице. Во Турција се излекувани 14.918 лица.

Во светот од Ковид-19 се заразени вкупно 2.571.660 лица. Од последиците на вирусот починаа 178.281 заразено лице, а моментално во светот се заразени 1.692.309 лица.