Германија регистрира речиси 20.000 нови случаи на Ковид-19

БЕРЛИН (АА) - Во Германија во изминатото деноноќие регистрирани се 19.990 нови случаи на вирусот Ковид-19, што претставува највисока бројка во земјата во еден ден од почетокот на пандемијата, пренесува Агенција Анадолија (АА).

Според бројките објавени од Институтот „Роберт Кох“, бројот на заразени во изминатото деноноќие е зголемен за над 2.700, бидејќи вчерашната бројка на заразени изнесуваше 17.214.

Од последиците на вирусот во изминатите 24 часа починаа 118 лица.

Вкупниот број на заразени во земјата изнесува 597.583, а починати како последица на вирусот се вкупно 10.930 лица.

Во Европа, Германија е петта земја по бројот на случаи на Ковид-19, пред неа се наоѓаат Франција, Шпанија, Велика Британија и Италија.