Германија: На деца им била дадена погрешна доза од вакцината против Ковид-19

БЕРЛИН

На неколку деца во северниот германски град Хановер им била дадена погрешна количина од вакцината против Ковид-19, информираа официјалните здравствени претставници, јавува Агенција Анадолија (АА).

На најмалку 21 дете по грешка им било дадена доза за возрасни од вакцината против Ковид-19 во центарот за вакцинација во зоолошката градина во Хановер, се вели во соопштението на градското одделение за здравство.

Марлен Граф, медицински специјалист од одделот, рече дека поголемата доза нема да има негативно влијание врз здравјето на децата, но дека може да доведе до несакани ефекти како што се болки во раката или треска.

Родителите на децата биле информирани преку електронска пошта и телефонски повици.

Штефен Крах, претседателот на регионот, се извини за грешката и рече дека ќе ги преземат сите мерки за да се осигурат дека грешката нема да се повтори.