Во светот од Ковид-19 се излекуваа над 500 илјади лица

АНКАРА (АА) – Во светот од новиот вид коронавирус, Ковид-19, се излекуваа над 500 илјади пациенти, пренесува Агенција Анадолија (АА).

Според веб-страницата „Worldometer“, каде се собираат податоци за Ковид-19 од целиот свет, вкупно 503.386 лица го победиле вирусот.

Најмногу лица се излекувани во Кина, 77.816 лица.

По Кина, следуваат Германија (72.600 излекувани лица), Шпанија (70.853), Иран (49.933), САД (47.069), Италија (38.092) и Франција (28.805 лица).

Во светот, бројката на потврдени случаи со Ковид-19 се зголеми на 2.035.294, а од вирусот починаа 130.712 лица.