Во светот досега со Ковид-19 се заразија над 75,3 милиони луѓе

АНКАРА (АА) - Новиот тип на коронавирус (Ковид-19) на глобално ниво е детектиран кај повеќе од 75,3 милиони лица, пренесува Агенција Анадолија (АА).

Според податоците што ги објави интернет страницата „Worldometers“, која секојдневно ги ажурира информациите поврзани со пандемијата на коронавирусот во земјите од светот, досега од последици предизвикани од Ковид-19 починаа 1.668.818 лица.

Вкупниот број на досега заразени лица со коронавирусот во светот изнесува 75.307.242, а оздравеа 52.873.981 заразен.

Соединетите Американски Држави (САД) се земја со најголем број на заразени и смртни случаи во светот, со бројка од 17.627.070 заразени и 317.929 смртни случаи.

Земји во светот, покрај САД, во кои бројот на заразени со Ковид-19 надминува 1 милион се:

Индија (9.979.447), Бразил (7.111.527), Русија (2.762.668), Франција (2.427.316), Турција (1.955.680), Велика Британија (1.948.660), Италија (1.906.377), Шпанија (1.805.633), Аргентина (1.524.372), Колумбија (1.468.795), Германија (1.438.438), Мексико (1.289.298), Полска (1.171.854) и Иран (1.138.530).

Земји во светот, покрај САД, во кои бројката на смртни случаи надминува 10.000, се:

Бразил (184.876), Индија (144.829), Мексико (116.487), Италија (67.220), Велика Британија (66.052), Франција (59.619), Иран (53.095), Русија (49.151), Шпанија (48.777), Аргентина (41.534), Колумбија (39.787), Перу (36.901), Германија (25.165), Полска (24.345), Јужноафриканска Република (24.011), Индонезија (19.390), Белгија (18.371), Турција (17.364), Украина (16.256), Чиле (16.007), Романија (13.969), Еквадор (13.932), Канада (13.916), Ирак (12.650), Холандија (10.321) и Чешка (10.163).