Во Истанбул вакцинирани над 150.000 здравствени работници

ИСТАНБУЛ (АА) - Повеќе од 150.000 здравствени работници ја примија првата доза на вакцината против Ковид-19 во Истанбул, јавува Агенција Анадолија (АА).

Гувернерот на Истанбул, Али Јерликаја, на Твитер напиша: „Досега вакцинирани се 150.186 наши здравствени работници. Вакцинирани се нашите 3.703 гости, заедно со 2.272 лица од персоналот, во центрите за згрижување лица со посебни потреби и домови за стари лица“.

Првата пратка од 3 милиони дози од вакцината развиена од кинеската компанија „Синовак“ во Турција пристигна на 30 декември.

Покрај здравствените работници, вакцинирани се и турскиот претседател Реџеп Таип Ердоган и некои високи функционери со цел да ја охрабрат јавноста.